« Назад

Каско осигурување

Нашите каско-полиси преку каско-производите што ги имаме се приспособливи на вашите потреби и навики како возач или сопственик на возило

Дали патувате во странство со автомобилот?
Дали имате потреба од поголема заштита?
Кои ризици сакате да ги покриете?
Дали одбирате осигурување со ваше учество при штета, така наречена франшиза?

Разгледајте ги предностите и можностите. Тука сме да ви направиме понуда според вашите потреби или барања за да можете полесно да одлучите.

Каско-полисите се договараат на годишна основа и важат од денот на склучувањето. Може да се договори полиса и на покус рок во зависност од потребата или наша препорака во зависност од околностите.

ШТО Е ВАЖНО ЗА ДА НАПРАВИМЕ КАСКО- ОСИГУРУВАЊЕ?

За да направиме полиса, важни се неколку елементи врз основа на кои ќе ја договориме премијата::

типот и категоријата на моторното возило;
вредноста на моторното возилото, односно сумата на осигурување
ризиците што се опфаќаат со покритието;
франшизата, изборот на вашето учество во штетата, со што се намалува премијата

НУДИМЕ НЕКОЛКУ РАЗЛИЧНИ КАСКО ПОЛИСИ

За полесно да се определите каква полиса ви е потребна, изработивме четири квалитетни каско-полиси:

Потполно каско-осигурување – вклучени се сите каско-ризици
Потполно каско-осигурување без кражба и разбојништво – сите каско- ризици, освен ризиците кражба и разбојништво;
Делумно каско-осигурување – каде што се вклучени само ризиците пожар,кражба и разбoјништво или осигурување само на стаклата од возилото (за патнички возила овој ризик најчесто се комбинира со полисите за автомобилска одговорност);
Проширено каско – осигурување на возилото доколку се патува надвор од географското подрачје на Европа и осигурување на дополнителна опрема, багаж, кое опфаќа покритие на дополнително вградена опрема на или во возилото (радио-ЦД, навигација, ТВ, носачи, прагови, натпис, реклами, прибор и алат и слично) и личен багаж од сопственикот на возилото или патниците.

OДБЕРЕТЕ ЈА КАСКО ПОЛИСАТА ШТО ВИ ТРЕБА!

Што осигуруваме	ПОТПОЛНО КАСКО- ОСИГУРУВАЊЕ НА НОВОНАБАВНА ВРЕДНОСТ	ПОТПОЛНО КАСКО- ОСИГУРУВАЊЕ НА ПАЗАРНА ВРЕДНОСТ	ДЕЛУМНО КАСКО- ОСИГУРУВАЊЕ (СИТЕ КОМБИНАЦИИ)
Патнички моторни возила заедно со опремата стандардно или дополнително испорачана од производителот	√	√	√
Мотоцикли, мопеди и слични возила	√	X	√
Приклучни возила	√	X	√
Сите други категории возила	√	X	√
Моторни возила со странска регистрација	√	X	X
Багаж, дополнителна опрема и сл.	√	X	X
Pадио-ЦД, навигација, ДВД, ТВ, радиостаница, натпис, реклами и друг алат или опрема што се дополнително вградени на или во возилото и личен багаж	√	X	X
Стаклата на патнички, товарни возила и автобуси, освен покривни стакла, стакла на светлата и на огледалата	√* * во случај на франшиза	√* * во случај на франшиза	√

ВРЕДНОСТ НА ОСИГУРУВАЊЕ НА МОТОРНОТО ВОЗИЛО

Важно: Сумата на осигурувањето зависи од вредноста/цената на возилото. Во нашата понуда има две можности, одлуката е по ваш избoр:

Пазарна вредност – Каско-осигурување само на патнички возила

За нови патнички возила, вредност според фактура загарантирана за целата година на осигурување, без амортизација, или за користени возила, вредност според каталог и намалена поради вклучена амортизација, исто така загарантирана за целата година на осигурување.

Вредноста на возилата се менува со староста, односно годината на производство, а со тоа се намалува и премијата.

Новонабавна вредност

Каско-осигурување на моторни и шински возила наменето за патнички и сите други категории моторни и приклучни возила

Најчест избор на компаниите

ДОПОЛНИТЕЛНО ОСИГУРУВАЊЕ НА ПАТНИЦИ

Можност за дополнување на осигурувањето со истата полиса за каско- осигурување и да се осигурите вие и вашите сопатници од последици на несреќен случај (незгода) со покритие по ваш избор.

ТЕРИТОРИЈАЛНА ВАЖНОСТ НА ОСИГУРУВАЊЕТО

Каско-осигурувањето важи на територијата на Р Македонија и на географското подрачје на Европа. Дополнителна можност за проширување на важноста и надвор од географското подрачје на Европа.