Оглас за вработување на ВИШИ ФИНАНСИСКИ АНАЛИТИЧАР

Приклучи се на тимот со кој знаеш дека си сигурен

МАКЕДОНИЈА осигурување АД Скопје – Виена Иншуренс Груп вработува

МАКЕДОНИЈА осигурување АД Скопје – Виена Иншуренс Груп е првата осигурителна компанија во Р. Северна Македонија, со најголемо искуство и експертиза на пазарот на осигурување веќе 80 години. Нашите почетоци датираат уште од 1945 година како Државен осигурителен завод, а во последните дванаесет години сме дел од австриската групација ВИГ.

Тимот на Душтвото е составен од искусен кадар што го одликуваат силни корпорациски вредности како одговорност, блискост и почитување на различностите, како и постојаното вложување во обуки на кадарот.

Ние како Друштво сме секогаш отворени за прием на нови лица и овој пат имаме потреба од проширување на тимот во Секторот за финансии со извршител на работна позиција Виши финансиски аналитичар.

Тимот на Секторот за финансии е со долгогодишно искуство и на високо развиено ниво во нашето Друштво, што се потврдува со фактот за навременост и точност и исполнителност во делот обврски кон државните институции.

Новиот член на тимот за Финансии ќе ги извршува следните работни задачи:

• Финансиска анализа на податоци, изработка на Буџет и негово следење од аспект на остварување/отстапување;
• Учество во изработка на корпоративните месечни и квартални финансиски извештаи како и нивна анализа;
• Учество во изготвување на ревизорски извештај;
• Изработка на периодични извештаи за реосигурување (локални, корпоративни, за Агенција за супервизија и сл.).

Вие сте одличен кандидат доколку сакате да бидете дел од нашиот тим и ги имате следните квалификации и вештини:

• Високо образование (VI-A степен според националната образовна класификација);
• Најмалку 3 години работно искуство, од кои најмалку 2 (две) години во ревизорска куќа;
• Одлично познавање на англиски јазик;
• Високо ниво на познавањe на Microsoft 365 и пребарување на интернет;
• Поседување на аналитички способности и умешност во поставување на приоритети;
• Способност за одлична организација на работењето и запазување на зададени рокови.

Општи правила за пријавување:

Сите заинтересирани кандидати нека испратат своја биографија (CV) на следната е-адреса: oglasi@insumak.mk

Крајниот рок за пријавување е до 30.07.2025 год.

Изборот на кандидат ќе се изврши во период од 45 дена по истекот на рокот за аплицирање.

Со испраќањето на Вашата биографија, согласни сте Вашите лични податоци да бидат обработени за потребите на регрутација и селекција од страна на Македонија осигурување АД Скопје – Виена Иншуренс Груп и истите да бидат зачувани во базата на податоци на Македонија осигурување АД Скопје – Виена Иншуренс Груп најмалку за времетраењето на изборот на работник.

Сите пристигнати биографии ќе се обработуваат со најголемо внимание и доверливост и нема да се споделуваат со трети страни.

Напомена: Кандидатите можат во секое време да ја повлечат согласноста за обработка на нивната биографија преку испраќање на известување на е-адресата: info@insumak.mk