Историјат

За почеток на развојот на осигурувањето на имоти и на лица во државата се смета 1 март 1945 година, кога е формиран Државниот осигурителен завод, попознат меѓу населението како ДОЗ. Тоа е првата општествена институција за осигурување во Република Македонија.

Во 1966 година доаѓа до интеграција на овие комунални осигурителни заводи во еден единствен Завод за осигурување на имоти и лица на подрачјето на Републиката.

Како ЗОИЛ „Македонија“ компанијата дејствува сè до 1990 година, кога со нови законски измени тогашните заедници се трансформираат во организирање на акционерски друштва за осигурување. Основачи на Акционерското друштво за осигурување и реосигурување „Македонија“ се сто акционери-осигуреници на друштвото.

Кон средината на 1995 година, преку вложување странски капитал од англиската фирма „Киненмонт Ламберт“ и сопствен капитал на АДОР „Македонија“, формирана е „МАК-ЛОН“ со седиште во Скопје. Оваа фирма се занимава со осигурувањето на животот.

Кон крајот на март 2000 година, на македонската берза за долгорочни хартии од вредност познатата австралиска осигурителна и реосигурителна компанија QBE Insurance Group од Сиднеј, Австралија, станува сопственик на управувачкиот пакет акции од тогашното АДОР „Македонија“.

75 години постоење значи постојано искуство и раснење низ грижа за клиентите, нивното задоволство и сигурност. Раснејќи увидовме дека најважно во нашата работа е да сме финансиски стабилни и постојано да ги унапредуваме услугите.Со развој на дигитализацијата ги воведовме услугите отштета онлајн и плаќање онлајн и секојдневно работиме на модернизација на процесите. Знаеме што е важно за да можеме да одговориме на предизвиците на промените и барањата на клиентите. За да можат секогаш да кажат: Знам кога сум сигурна/ен.