Во петокот беше последниот ден од глобалното движење „Неделата за иднината“ која имаше цел да ја зголеми свеста за климатските промени и да го зголеми притисокот врз оние кои се најмоќни нешто да сменат. Земајќи ја во предвид нашата постојана заложба за општествена одговорност и вклученост во активности за подобар свет и општество решивме да споделиме неколку совети како секој од нас поединечно би можел да помогне за намалување на глобалното затоплување.
1. Барај конкретни решенија од државните и локалните власти.
Притисок врз властите и одлучувачите да донесуваат одлуки и преземаат конкретни чекори за борба со климатските промени е многу важно.
Овој притисок може да се врши на повеќе начини, со придружување на невладина организација која веќе се залага за истот, креирање групи за поддршка, споделување на искуства со роднини и пријатели, состаноци и писмени барања до општината, пишувани мејлови и покренување петиции.
Во најлош случај, доколку ништо од оваа не успее чекај ги следните избори и гласај за оние кои имаат план да се борат со оваа закана.
2. Паметно користи ја енергијата
Со следење на овој совет исто така и ќе заштедиш. Еве неколку пример како да го направиш тоа:
- Смени ги сите светилки со енергетски ефикасни
- Исклучувај ги апаратите кога не ги користиш
- Пери ги алиштата со ладна или топла вода не со жешка.
- Суши ги алиштата на сушалка, не во машина
- Инсталирај термостат кој се програмира
- Кога купуваш бела техника избирај ги оние што се по енергетски ефикасни и имаат повеќе ѕвездички
- Добро изолирај го твојот дом за да не ти бега топлината, а во лето да не се загрева, со што би избегнал/а користење клима уред
3. Јади одговорно
Нашите навики во исхраната имаат голем импакт врз климата. Не мора да станеме сите вегани, но кога секој од нас би направил малку отстапки ефектите можат да бидат значителни. Еве неколку едноставни начини како може да ја адаптирате вашата изхрана да биде попријателска кон околината:
- Јади повеќе оброци без месо
- Купувај органско или локално, кога тоа е возможно
- Не фрлај храна
- Одгледувај си твој зеленчук
3. Почесто разговарај за климатските промени со пријателите
Луѓето ја избегнуваат оваа тема, зашто е тешка, создава напнатост и страв, а понекогаш и неразумно отфрлање на фактите како невистини. Со нормализирање на овие разговори и почесто дискутирање за оваа тема, луѓето полесно ќе се привикнат да ги сменуваат своите навики за да придонесат за подобрување на ситуацијата. На овој начин свеста повеќе ќе се развива и ефектите можат да бидат одлични.
4. Избери зелен транспорт
Транспортот има голем удел во загадувањето, затоа тука можеме да придонесеме повеќе. Од друга страна избегнување на штетните транспотрни навики има бенефити за нашето здравје и нашиот буџет. Затоа кога и колку што можеш:
- Користи јавен превоз
- Пешачи
- Вози велосипед и залагај се за повеќе велосипедски патеки во твојата општина
- Споделувај автомобил
- Префрли се на електрично или хибридно возило
- Летај помалку (доколку мора д алеташ пробај да ги елиминираш твоите емисии со користење на јаглеродни кредити кои ќе надокнадат за јаглеродниот отпечаток кој си го произвел)
5. Консумирај помалку, фрлај помалку, уживај во животот повеќе
Фокусирај се на поедноставните задоволства во животот – поминување време во природа, или со саканите, правеќи нешто за другите произведуваме повеќе смисла во нашиот живот, припаѓање и среќата, отколку што би добиле со купување и консумирање. Споделување, стварање, поправање, реупотреба и производство на сопствено органско ѓубриво – сите овие се добри начини да се започне
Зголеми ја твојата заложба за луѓето и нештата што ти значат, со секојдневно делување и разбирање дека ние сме едно со природата.
6. Инвестирај во обновливо производство на енергија и избегнувај ги фосилните индустрии
Дури и да не можеш сам да поставиш соларни панели може да го правиш со дирактна инвестиција во таков бизнис или индиректно при бирање на бизнис партнери, клиенти или производители кои го прават тоа. Стави ги на црна листа сите производители кои соработуваат со нафтената индустрија и инвестирај во позелена иднина.
7. Поддржи или придружи се на еколошко движење или организација
Ова е прилично едноставен и ефективен начин да преземеш акција. Контактирај локална еколошка невладина организација и прашај како може да помогнеш. Тие се секогаш отворени и веднаш ќе те насочат. Такви организации кај нас се:
