Транспарентно – пријавување и процесирање на штета
Осигурување Македонија а.д. Скопје, Виена Иншуренс Груп, ја лансираше својата нова услуга „Oтштета онлајн“, достапна на линкот http://otsteta-online.insumak.mk
Онлајн барање на отштета преку веб страницата на компанијата
Покрај досегашниот детален водач за прибирање документи и пријавување штета на нашата веб страна, одлучивме уште повеќе да излеземе во пресрет на потребите со креирање на веб апликација за решавање на штетите.
Клиентите се вклучени во процесирање на штетата онлајн
Нашата стратешка цел е да се приближиме и отвориме кон нашите клиенти, а најдобар начин да го покажеме тоа е во процесот на добивање отштета. Оваа апликацијата ги ослободува осигурениците од непотребни телефонски јавувања, посетување на канцелариите, печатење формулари и пополнувања на шалтерите.
Доставување документи преку апликацијата
Сè што е потребно е осигуреникот да го знае бројот на полисата за да ја започне регистрацијата во системот. Голем дел од информациите за предметот се веќе во базата и се вчитуваат со самото
внесување на бројот на полисата. Понатаму чекорите се многу едноставни и постапно објаснети. Кои документи треба да се прикачат, кои податоци треба да се внесат и кои изјави да се напишат.
Увид во штетата од почеток до крај
Во случајов не се работи само за онлајн пријавата на штета, но за целосно учество и следење на обработка на предметот. Апликацијата е едноставна алатка што ќе му помогне на секој осигуреник кој има претрпено штета, брзо и лесно да ја пријави, а потоа да ја следи и соработува се до исплатата на отштетата.
Проверка на податоците и директна комуникација со референт
Регистрацијата на сервисот овозможува трајно зачувување на документите и повторно дополнување штом се набават сите документи. Клиентот може да комуницира директно со референтот, а системот нуди транспарентност на процесот, така што осигуреникот има увид до каде е решавањето на неговиот предмет.
Ова е прв чекор од поширокиот проект за дигитализација на нашите услуги. Земајќи го во предвид фактот дека во осигурителниот бизнис сè е детално и јасно пропишано, но често е предолго и не секогаш јасно разбрано од страна на купувачите, продажбата сè уште ја оставаме во рацете на нашите ценети агенти. Ова не значи дека нема да понудиме и онлајн продажба, но се фокусираме на она што сметаме дека им е важно на клиентите.
„Осигурување Македонија“ постои веќе 75 години на пазарот и може да кажеме дека довербата е нашата највисока цел. Сакаме нашите сегашни и потенцијални клиенти да разберат дека ние постоиме за нивната сигурност и поради нивната доверба.“ – го објаснува овој стратегиски чекор господинот Бошко Андов генерален директор на компанијата.
Осигурување Македонија има намера и понатаму да се отвора кон своите клиенти и да покаже дека повеќе-децениското искуство носи со себе мудрост и професионализам, а со тоа и внимателно пристапување кон новите трендови, без заборавање на старите
вредности.
