Незгода

Каде може да пријавам?

• Да ја пополните дигитално и да ја испратите по е-маил (stetiskopje@insumak.mk; stetibitola@insumak.mk; stetiohrid@insumak.mk; stetistip@insumak.mk; stetigevgelija@insumak.mk).
• Да ја отпечатите, рачно да ја пополните и скенирана да ја испратите на е-маил (stetiskopje@insumak.mk; stetibitola@insumak.mk; stetiohrid@insumak.mk; stetistip@insumak.mk; stetigevgelija@insumak.mk).
• Лично да ја доставите во некоја од нашите експозитури
• Или да пријавите преку интернет

За дополнителна помош обратете се на +389(0)2 3115 188.

Која документација ми е потребна за обработка на штетата?

Доколку несреќниот случај предизвикал повреда:

• лична карта на увид;
• доказ за околностите за настанување на несреќниот случај (записник од Министерството за внатрешни работи или од надлежен орган, пријава за несреќа на работа);
• записник од алкотестирање;
• медицинска документација, РТГ-снимки, ЦД;
• платени сметки во оригинал;
• боледување (од матичен лекар и комисија);
• трансакциска сметка.

Доколку несреќниот случај предизвикал смрт од несреќа или болест:

• во случај на смрт, корисниците пред наше вработено лице пополнуваат Изјава за одредување на корисник во која се утврдува корисникот на осигурената сума или доставуваат Решение за оставинска постапка;
• медицинска потврда за смрт или отпусно писмо;
• обдукционен наод;
• записник од надлежен орган;
• изводи од Матичната книга на умрените, венчаните и родените;
• трансакциска сметка на корисникот/ците.

Што откако ќе пријавам штета?

По Вашата пријава се заведува предмет, кој понатаму се зема во обработка во согласност со Условите според кои е склучено осигурувањето и времето потребно за цензурирање за одредена повреда. Доколку за повредата не можеме да се произнесеме врз база на доставената медицинска документација, ќе бидете уредно поканети на преглед.

Откако предметот ќе се комплетира со целокупната документација, медицински извештај од цензор, доколку е платена премијата, се пристапува кон ликвидирање и кон исплата (доколку барањето е основано), во рок од 14 дена.

Во зависност од склученото осигурување и купените ризици, ќе обесштетиме:

• осигурена сума според полисата во случај на смрт како последица на несреќа или болест во согласност со Условите, или
• процент од осигурената сума што одговара на утврдениот процент на инвалидитет,
• надомест на нужни трошоци за лекување,
• дневен надомест.